Department head sa City Engineer Office adunay pagpaklaro may kalabutan sa Phase 1 sa redevelopment project sa Queen Tuna Park nga adunay P21 million nga pondo

GENERAL SANTOS CITY – Namahayag si Emerald Signar, department head sa City Engineer Office kalabutan sa redevelopment project sa Queen Tuna Park.

Matud pa niini nga ang P21 million nga pondo ang alang lang sa Phase 1 kung asa ang P4 million ang alang sa design o gang P17 million ang sa civil works.

Gikadugang pa sa maong opisyal nga sa maong pondo unahon ang seawall aron may proteksyon sa batok sa storm surge o sa mga dagkong balod.

Sa iyang pamahayag nga dako pa ang kinahanglan nga pondo nga mukabat sa P150 million aron nga mahuman ang redevelopment project sa Queen Tuna Park.

Kung hingpit nga mahuman ang maong proyekto mahimong icon sa syudad tungod mahimong nag-unang attraction sa umaabot nga mga adlaw.