GENERAL SANTOS CITY- Nagpahigayon ug coordination and action planning meeting ang Department of Environment and Natural Resources (DENR) Region 12 , kauban ang Crocodylus Porosus Philippines Inc. (CPPI) ug Davao Crocodile Park Inc. dire sa dakbayan sa Heneral Santos.
Ang katuyoan sa maong tigum mao ang pagpalawom sa paningkamot alang sa Special Investigation sa saltwater crocodile nga anaa sa sulod sa Sarangani Bay Protected Seascape.Samtang naghisgot si Roy Mejorada, Science Research Specialist II sa DENR 12, Marvin Jay Sarmiento, Field Biologist sa CPPI, ug Meljory Corvera, Public Information and Education Officer sa CPPI,ug mga estratehiya ug pamaagi kung unsaon ang pagsulbad sa ginaproblemahan nga buaya .
Nagsugod na usab sa monitoring ug assessment ang Provincial Wildlife Quick Response Team sa DENR 12, kauban sa koordinasyon sa CPPI ug Davao Crocodile Park Inc.
Kini nga mga paningkamot ang magtutok sa mga’mangrove areas’ sa General Santos City ug Alabel Sarangani Province.
