Gipasalig sa Department of Agriculture nga aduna pay igong kita ang mga lokal nga mag-uuma nga madala pauli sa nasud nunot sa pagpatuman niini sa P35 matag kilo nga halin sa NFA rice.
Kini maoy tubag sa ahensya sa panawagan ni House Speaker Martin Romualdez nga masiguro nga dili magrabyado ang mga mag-uuma.
Ang nag-unang tumong sa Department of Agriculture pinaagi sa National Food Authority mao ang pagsiguro sa food security sa nasud.
Matod ni Romualdez, kinahanglan nga masiguro ang patas ug igong kita sa mga mag-uuma aron kini makapadayon sa ilang lokal nga produksyon sa bugas.
Ang lider sa Kamara niinsistir usab sa panginahanglan nga balansehon ang kaayohan sa mga konsumidor ug mag-uuma.
Matod niya nga dako sab og ikatabang kon ang farm gate price sa mga ani nga produkto magpabiling taas samtang ubos ang presyo niini kon sa mga merkado.
Kalabot niini, misaad ang lider sa Kamara nga padayon nilang bantayan ang mga polisiya ug tun-an ang mga gikinahanglang interbensyon.
