Mikunhod og walo ka porsyento ang gidaghanon sa isdang gidala sa mga regional fish port sa nasud niadtong bulan sa Abril, sumala sa Philippine Fisheries Development Authority, diin niabot lamang sa 50,222 metric tons gikan sa 54,602 metric tons sa samang bulan sa miaging tuig.
Bisan pa sa kinatibuk-ang pagkunhod, misaka og 3.6% ang gidaghanon sa isdang nadawat sa Navotas Fish Port Complex ngadto sa 26,575 metric tons ug kini maoy labing taas nga natala alang sa bulan.
Dako usab ang pagsaka sa volume sa isda sa Davao Fish Port Complex nga misaka og 59.3%, samtang misobra sa doble ang gidaghanon sa isda sa Zamboanga Fish Port Complex.
Sa laing bahin, dakong pagkunhod ang nasinati sa General Santos Fish Port Complex diin nahulog ngadto sa 15,162 metric tons gikan sa kapin 21,000 metric tons sa miaging tuig.
Sumala pa sa PFDA, misaka usab og siyam ka porsyento ang total fish deliveries gikan Enero hangtod Marso karong tuiga kon itandi sa samang panahon niadtong 2025.
