GENERAL SANTOS CITY – Aminado si Rep. Pedro Acharon Jr. nga nausab ang iyang panglantaw karon sa death penalty kon silot-kamatayon.
Sumala pa nga kaniadto dili siya uyon sa maong matang sa silot, tungod mandatory ang death penalty kaniadtp nga mahimo gilayong kandidato sa maong silot ang mga tawo nga makahimo ug krimen.
Apan human matud pa namatikdan nga nagkadaghan nang mga hilabihan ka-brutal ug mangilngig nga krimen nga gakahitabo sa tibuok nasud, mahimo na siyang hipokrito kon muingon siya nga dili masuko ug hugot nga ikondena ang nasampit nga mga mangilngig nga krimen.
Dugang pa ni Cong. Acharon nga sa karon, ang ginasugyot nga death penalty ang may option kon sa death penalty o kaha reclusion perpetua kon tibuok kinabuhing pagkabilanggo ang ipahamtang nga silot, depende sa gibug-aton sa nahimong krimen.
Hinuon, sa karon wala matud pa siyay pinal nga desisyon ug kasamtangan pang gipaabot ang mamahimong pinal nga bersyon sa death penalty nga ipasa.
Apan alang kaniya angayang mahimong optional, madetalye pag-ayo ang mga salaod nga angayang pahamtangan sa maong matang sa silot.
