COMELEC-Gensan padayon nga nag-awhag alang sa voter registration

GENERAL SANTOS CITY – Kapin na sa 3,000 ang mga nagparehistro sa nagpadayon nga voter registration sa dakbayan nga nagsugod sa miaging Pebrero 12, 2024.

Mapasalamaton ang Comelec GenSan gumikan daghan ang nagtubag sa ilang panawagan nga sayo nga magparehistro og dili hulaton ang deadline sa September 30, 2024.

Kahibaluan nga sa unang adlaw sa voter registration kapin sa 400 ang nagparehistro.

Panawagan sa publiko ilabi ang mga taga lagyong lugar nga sayron ang schedule sa satellite voter registration sa inyong barangay aron nga dili makagasto og dako sa pag-adto sa ilang opisina.

Ang ilang opisina abli gikan Lunes hangtud adlawng Sabado lakip holiday alas 8:00 sa buntag hangtud sa alas 5:000 sa hapon aron asikasohon ang mga magparehistro.