City Intelligence Unit ug City Investigation unit nakighiusa sa padayong imbestigasyon sa mga awtoridad sa managlahing kaso nga wala pa masulbad sa dakbayan

GENERAL SANTOS CITY – Nakighiusa ang buhatan sa City Intelligence Unit ug City Investigation unit may kalabotan sa nagpadayong imbestigasyon sa mga kapulisan og awtoridad sa mga managlahing kaso nga natala sa dakbayan nga sa karon wala pa masulbad.

Sumala pa ni Police Colonel Aldrin Gonzales, Deputy Chief Director for Operation sa GSCPO, nga wala gikalimtan ang mga kaso ug nanghinaot nga masulbad kini sa dali nga panahon aron mahatagan hustisya ang nahimong biktima sa mga krimen.

Nagpasalig ang mga kapulisan sa mas paspas nga aksyon og maayong pagdumala aron dili na madugangan ang mga kaso nga sapagkakaron padayon pang ginaimbestigahan.