City Administrator gipaklaro nga wala gipasagdan sa syudad ang hisgutanan sa palengke

GENERAL SANTOS CITY – Gipaklaro ni City Administrator Shandee Llido Pestaño, nga wala gipasagdan sa syudad ang palengke.

Aminado ang maong opisyal nga bisag unsa paglimpyo sa palengke dili maayo tan-awon itandi sa laing mga lugar nga bag-ong gipatukod.

Sa pagkakaron adunay tulo ka mga interested parties ang gusto nga mahimong kabahin sa syudad sa pagdumala sa maong palengke. Hinoon wala pay kongkreto ang tanang plano gumikan padayon pa nga gitun-an.

Kahibaluan nga nahimong nag-unang hisgutanan kanunay ang palengke sa syudad tungod karaan na og dugay nga na nga giplanuhan nga bag-ohon apan hangtud karon wala pa nabag-o.

Sa iyang pamahayag nga gumikan nahimutang sa sentro sa syudad angayang bag-ohon ang palengke.