Gipakita sa China ang labing bag-o nga mga armas sa usa ka military parade sa Tiananmen Square sa Beijing alang sa Adlaw sa Kadaogan sa nasud nga naghandum sa ika-80 nga anibersaryo sa pagtapos sa World War II.
Lakip sa mga parada ang gatusan ka mga bag-ong armas sa China sama sa laser weapons, nuclear ballistic missiles ug giant underwater drones.
Kapin sa 10,000 ka mga tropa sa China ang nagpakita sa nagkadako nga military power sa China ubos sa pagduso ni Presidente Xi Jinping sa China nga i-modernize ang “largest standing army” sa kalibutan.
Sa usa ka talagsaon nga okasyon, tulo ka gamhanang mga lider ang nag martsa mao silang North Korean leader Kim Jong Un ug Russian President Vladimir Putin, kauban si Xi.
Kini ang unang higayon nga personal nga nagkita ang tulo ka mga lider. Ang kalihokan gitambongan usab sa 24 ka ubang mga pangulo sa estado.
Sa iyang pakigpulong, maisugon nga gipahayag ni Chinese President Xi nga ang iyang nasud dili mopugong ug dili mahadlok sa mga bullies.
