Case closed na ang kaso sa inahan nga nagsunog saiyang tulo ka mga anak sa Bulacan
Gideklara nga ‘case closed’ ang insidente sa usa ka inahan nga giingong nagsunog sa iyang tulo ka mga anak ug sa iyang kaugalingon sa lungsod sa Sta Maria, Bulacan.
Ang insidente nahitabo niadtong Mayo 7, diin tulo ka mga bata, nga nag edad ug 6 anyos, 3 anyos, ug usa ka tuig, ang namatay. Sa ulahi, namatay usab ang inahan nga gidudahang nagsunog sa iyang mga anak human giingong nagsunog usab sa iyang kaugalingon.
Sumala kay Sta Maria Chief of Police, Police Colonel Voltaire Rivera, nagtaliwan ang babaye pila ka adlaw pagkatapos sa insidente, bisan pa nga gidala sa ospital.
Hinuon, gipasakaan gihapon siya og kasong parricide.
Tungod sa kamatayon sa babaye, opisyal nga gideklara sa kapulisan nga case closed ang krimen, samtang ang iyang mga anak gilubong na sa lungsod sa Sta Maria.
Sa imbestigasyon sa kapulisan una nang nasayran nga sa wala pa ang insidente, ang babaye ug ang iyang bana nga usa ka police corporal, nagkalalis.
Ang maong pulis nadestino sa PNP Maritime Group sa probinsiya sa Batangas.
