Bulaong Terminal daghan pa ang gikinahanglan aron nga mahimong ‘secured’ ang mga pasahero sumala sa administrator

GENERAL SANTOS CITY – Daghan pa ang kinahanglan sa Bulaong Terminal aron nga mahimong secured ang mga pasahero.

Sa pamahayag ni Raymond Ledesma, administrator sa Bulaong Terminal sa dakbayan nga bisag may metal scanners apan kulang pa og laing mga kahimanan aron nga masuta pagmaayo ang unod sa bagahe sa mga pasahero.

Samtang may daghang mga CCTV camera sa palibot nga magmonitor sa kalihokan sa gawas og sa sulod sa terminal.

Hinoon iyang gipasalamatan ang tanang mga stakeholders sa pagbantay sa palibot kung asa kaabag usab ang mga vendors og porters sa pagbantay sa terminal.