Gipangulohan nila Bryan Bagunas ug Marck Espejo ang listahan sa mga statistical leaders sa nagpadayon nga 2025 FIVB Men’s World Championship.
Base sa opisyal nga website sa torneyo, si Bagunas karon anaa sa ikaduhang pwesto sa top scorers sa kompetisyon human makatigom og kinatibuk-ang 48 puntos diin 43 niini gikan sa mga attacks.
Tungod sa iyang kusog nga opensa, nahimutang usab siya sa ikatulo nga pwesto sa best attackers category.
Si Espejo usab nagpasundayag og impresibong depensa, ug kasamtangang ikaduha sa best receivers list nga adunay 18 malampusong receptions, gamay ra og diperensya kang Luciano Palonsky sa Argentina nga adunay 20.
Nagpadayag kini sa lig-on nga kontribusyon sa mga beterano sa Alas Pilipinas Men, nga padayon nga nagpataas sa bandera sa Pilipinas sa internasyonal nga volleyball.
