Gipasidunggan sa Philippine Red Cross ang Bombo Radyo Butuan tungod sa takos niining serbisyo ngadto sa katawhan pinaagi sa pag-promote sa blood services.
Kahinumduman nga gidugok sa bagang duot sa mga katawhan gikan sa nagkadaiyang sektor sa katilingban ang Dugong Bombo: ‘A little pain, a life to gain,’ blood letting activity sa Bombo Radyo nga gipahigayon kaniadtong Nobyembre sa nakalabayng tuig.
Mi-abot sa kinatibuk-ang 115 ka mga bags kansa bugti sa 51,750 cc sa dugo o 51.75 litros kon 13.67 ka gallons sa dugo ang nahipos sa Bombo Radyo Butuan uban sa Philippine Red Cross.
Alayon niini, gisaad ning sibyahanan ilalom sa Bombo Radyo Philippines ang walay puas nga pag-alagad sa katilingban pinaagi sa paghimo sa mga susamang aktibidad, kansa dakong tabang ngadto sa mga nanginahanglan og dugo alang sa paglugway sa ilang kinabuhi.
