Gihimuan pa sa dugang imbestigasyon sa Bureau of Fire Protection (BFP) ang rason sa pagkasunog sa mugna sa dali malamoy sa kalayo nga puy-anan diin namatay ang magsoong 2 ug 4 anyos nga pulos lalaki sa lungsod sa Sinacaban,Misamis Occidental.
Matud ni BFP-Sinacaban Fire Marshall SFO4 Anthony Rebotaso nga wala pa sila’y mahatag nga pinal nga resulta sa imbestigasyon apan wala pa sila mohunong sa pagsuta sa hinungdan kung nganong nasunog ang balay sa magtiayong Jenny ug Asiong nga nahimutang sa Lower Rubia sa maong lungsod.
Namahayag si Rebotaso nga adunay nagkadiyang bersyon sa teorya ang nanggawas kung nganong wala ang inahan sa mga biktima sa pagkatigayon sa sunog.
Kini ilabina nga wala kalikayi sa social media netizens nga kastiguhon ang inahan kung nganong gipadlalkan ang pultahan nga anaa sulod sa ilang balay ang magsoon.
Nagsulti ang uban nga adunay gilakaw sa makadiyot ang inahan ug gipadlakan ang balay kay adunay pagkalingas ang magsoon rason nga gitinguha mapitol ang pagkalihok niini.
Adunay nagsugilon usab nga atua sa bukid ang inahan kay nangita’g panginabuhian aron may magamit nga pangunsumo ang pamilya.
Kini ang rason nga gikadihan ang pultahan sa balay kay aron dili makalakaw-lakaw ang mga bata samtang wala sila nga mga ginikanan.
Tanghaga usab sa mga tawo ug kabanay kung giunsa ang pagkasunog sa balay kung pinaagi ba sa nabiyaaan nga hinaling sa abuhan o adunay gidulaan nga lighter nga tinubdan sa kalayo.
Dumduman nga nasulti usab daw sa apuhan-babaye nga ayha nahitabo ang sunog,usa sa mga biktima ang nagdula-dula sa lighter.
Hisayrang sa pag-ulbo sa sunog, gi-proteksyonan sa magulang ang iyang manghod kay mikulob kini aron siya ang direkta modawat sa kalayo diin akto sila nakit-an sa ilang inahan nga wala na’y kinabuhi nga nagka-gaksanay.
