Muabot sa Pilipinas karong adlawa, Agusto 5, ang barko sa Vietnamese Coast Guard alang sa upat ka adlaw nga pagbisita lakip na ang joint search and rescue drills mao usab ang fire and explosion prevention training.
Sobra 80 ang crew sa maong barko nga ginapangunahan ni Vietnam Coast Guard Region 2 Deputy Commander Senior Lieutenant Colonel Hoang Quoc Dat.
Gawas sa drills og training, musalmot usab ang Vietnamese Coast Guardsmen sa Philippine Coast Guard – National Coast Watch Center, Marine Science Investigation Force, og offshore patrol vessel nga BRP Gabriela Silang.
Sumala sa Vietnamese Defense Ministry, ang pagbisita sa ilang barko ang nagapakita og “profound political significance” tungod oportunidad kini sa pareho nga coast guard forces nga mapalambo ang comprehensive cooperation og pakusgan pa ang law enforcement ability sa dagat.
Kahibaluan nga kaniadtong Enero 2024, nagpirma ang Philippine and Vietnamese Coast Guards og memorandum of understanding kung asa gi-establisar ang joint Coast Guard committee og hotline communication mechanism.
