Gikuwestiyon ni Davao City 1st District Representative Paolo Duterte ang desisyon sa Senado isip impeachment court kalabot sa gidaghanon sa boto nga gikinahanglan alang sa conviction sa impeachment trial.
Matud ni Duterte, dili awtomatikong mahimong constitutional ang usa ka interpretasyon tungod lang kay gisuportahan kini sa kadaghanan.
Gipasiugda niya nga klaro sa Konstitusyon nga gikinahanglan ang concurrence o pag-uyon sa two-thirds sa tanang miyembro sa Senado alang sa conviction.
Matud pa niya, kung adunay panaglalis sa interpretasyon sa probisyon sa Konstitusyon, ang Korte Suprema ang angay nga modesisyon kung nahiuyon ba kini sa fundamental law sa nasod.
Gipasiugda usab ni Duterte nga temporaryo lamang ang mga posisyon sa gobyerno, samtang ang Konstitusyon nagpabiling labing taas nga balaod sa nasod.
Misupak usab siya sa bisan unsang lakang nga matud pa niya mahimong makausab sa constitutional requirement base lamang sa kasamtangang gidaghanon sa mga boto sa Senado.
