GENERAL SANTOS—Padayon pa karon sa pagpangalap ug impormasyon ang Barangay Bula, ning dakbayan sa Gensan kung asa nakuha sa usa ka 62-anyos nga babaye nga residente sa Zone 7 ning Barangay ang makamatay nga sakit nga COVID-19.
Sa pakighinabi kang Dexter Poro ang administrator sa nasampit nga barangay nga wala pa silay nakuha nga impormasyon kung natakbuyan sa maung makamatay nga sakit ang nahisgutang pasynte.
Sumala pa niini nga naghatag karon ug kabalaka kanila labi nga adunay nay tulo nga nagpositibo dinhi sa Barangay Bula human migawas ang resulta nga positibo usab sa maung sakit ang anak sa nasampit nga pasyente sa pagsuta kaniya.
Giangkon ni Poro nga nagkalisod gayud ang ilang team sa pagpahigayon ug contact tracing labi pa blangko pa kini kung asa nakuha sa nasampit nga pasyente ang maung sakit.
Sa karong gipahugtan pa sa mga otoridad ang pagbatay sa Zone 7, lakip usab ang GenSanVille Subdivision ning barangay, human adunay nagpositibo sa maung sakit nga usa kalalaki.
Samtang nanawagan usab si Poro sa tanan nga residente ning Barangay Bula nga sundon ang unsa man nga protokol sa gobyerno aron mabatok ang pagkuyanap sa maung makamatay nga sakit.