Gikompirma ni kanhi US President Donald Trump nga wala na mauli ang gamay nga bahin sa iyang dunggan nga naigo sa bala dihang gipusil sa 20-anyos nga suspek niadtong weekend sa Pennsylvania.
Saysay niini , gisiguro dayon siya sa Secret Service pagkahuman sa sulay sa pagpatay kaniya.
Apan tungod sa tinguha sa mga security personnel nga protektahan siya, dali kining nilihok ug gitangtang pa ang iyang sapatos.
Gipaambit sa kanhi presidente, gusto unta niya nga mamulong pa, apan kinahanglan nga mobiya sa lugar.
Nakaangkon usab si Trump og garas sa iyang bukton nga iyang naangkon human siya miduko .
Matod niya nga motambong siya sa lubong ni Corey Comperatore, usa sa mga nitan-aw sa campaign rally nga nalambigit sa pagpamusil.
Ang kanhi presidente sa makausa pa nagpasalamat sa mga nagpadayon sa pagsuporta kaniya, bisan pa sa nahitabo sa Pennsylvania.
