Hugot ang pahimangno sa City Veterinary Office sa publiko nga bawal ang pagpasulod sa dakbayan sa mga lechong baboy, processed pork products og laing pork related products gumikan sa isyu sa African Swine Fever kon ASF.
Nakalatid kini sa City Ordinance No. 23, Series of 2020. Sa miaging adlaw sunod sunod nga mga pork related products ang nakumpiska sa ASF checkpoints.
Nakumpiska sa Buayan ASF checkpoint ang 60 kilos sa lechong baboy gikan sa Sarangani Province, gawas pa sa 200 kgs.a sa pork carcass sa Apopong ASF checkpoint nga gikan sa Carmen, Cotabato Province.
Nagpabilin pa ang bahad sa ASF sa dakbayan gumikan may mga lugar pa sa kasikbit nga dapit nga apektado sa maong virus. Gumikan niini hugot ang pagbantay sa ASF checkpoints sulod sa 24 oras aron nga dili makasulod sa syudad.
Kahibaluan nga sa Mlang, Cotabato bag-ohay pa lamang gipailawom sa culling ang ubang mga baboy gumikan positibo sa ASF.
