Mogamit ang Philippine Army (PA) og bag-ong mga kagamitan sa gubat ubos sa Salaknib Exercises 2026, lakip na ang mga tangke sa Ascod, self-propelled 155mm artillery, ATMOS (Autonomous Truck Mounted Howitzer System), ug uban pang kagamitan nga gipalit ubos sa AFP Modernization Program.
Ang bag-ong Armored Escort Vehicles (AEV) gisulayan usab sa maong simulation.
Sumala ni PA Spokesperson Col. Louie Dema-Ala, ang bag-ong kagamitan sa kasundalohan i-align sa mga gidala sa US Army Pacific, Japan Ground Self-Defense Force, Australian Army, ug New Zealand Army, nga pulos nagpadala ug mga contingent sa Northern Luzon, ang pangunang lugar sa military drill.
Sa pagkakaron, dili pa sigurado kung ang Typhon Missile System sa US, nga kaniadto gikuwestiyon sa daghang mga nasud sama sa China tungod sa giingong hulga niini sa seguridad sa rehiyon sa Asia-Pacific, gamiton ba sa drill.
Gipasabot ni Col. Dema‑Ala, ang liderato lang sa AFP ug US Armed Forces ang adunay gahom sa pagdesisyon kung iapil ba kini sa simulation.
Ang Salaknib 2026 ang adunay pinakadaghang partisipante sukad sa pagsugod sa ehersisyo, nga adunay kapin sa 7,000 ka sundalo gikan sa lima ka nasud, lakip ang Pilipinas.
Tungod sa gidak-on sa mobilisasyon, gipahibalo usab sa PA ang mga residente sa Northern ug Central Luzon sa presensya sa mga trak sa militar, eroplano, ug mga sundalo gikan sa US, Japan, ug uban pa nga miapil sa drill.
