GENERAL SANTOS CITY – Love triangle ang usa sa ginatan-aw nga motibo kalabot sa pagpusil-patay sa usa ka assistant pharmacist sa Brgy Calumpang ning siyudad miaging adlaw.
Kahibaluan nga ang biktima giilang si Ana Luna Daz, 23-anyos, residente sa nasampit nga lugar.
Sa imbestigasyon, nagbaktas ang biktima padulong sa trabaho dihang kalit miabot ang suspek nga naka-motorsiklo kung asa nagkalalisay matud pa ang duruha, una gipusil ang dalaga sa tiyan.
Nadala pa sa tambalanan ang biktima apan gideklarang dead on arrival.
Una nang gibutyag sa inahan sa biktima nga wala sila gatuo nga robbery-holdup ang nahitabo.
Nahisgutan nga posibleng may kalabutan kadto sa love triangle, kung asa nahimong person of interest karon ang kanhi matud pang karelasyon sa biktima.
Apan nagnegatibo kini dihang gipailawom sa paraffin test.
Padayon karon ang imbestigasyon sa kapulisan sa maong krimen.
