GENERAL SANTOS CITY – Gikumpirma sa Sangguniang Panlalawigan sa Sarangani ang appointment sa mga department head sa kapitolyo.
Si Raquel Panal, nga kanhi assistant Provincial Social Welfare and Development Officer, ang nahimong department head na sa nasampit nga opisina.
Si Reynaldo Occeño ang nakumpirma na usab isip Provincial Accountant.
Samtang si Dr. Bernard Cababat, ang assistant department head sa Office of the Provincial Veterinarian (PVET), og Josephine Depamaylo, isip assistant department head sa Provincial General Services Office (PGSO).
Sa pikas bahin giGipatuman usab sa provincial government ang duha ka bulan nga suspension sa trabaho isip silot kang Ram Anthony Manlangit og Nelio Delgado, nga pulos Administrative Aides sa Environmental Conservation and Protection Center (ECPC-Sarangani), gumikan sa dili maayong nahimo sa usa ka panghitabo sa Maitum.
Kini human nakuhaan og hulagway nga nagtulog sulod sa sakyanan sa gobyerno nga may ilimnong makahubog.
Samtang gitanggal na sa serbisyo sa provincial government ang duha ka empleyado sa Sarangani Medical Center nga nadakpan sa PDEA sa gipahigayong buybust operation.
