-- ADVERTISEMENT --
GENERAL SANTOS CITY – Upat ang patay sa natigayong banggaanay sa duha ka motorsiklo sa Malungon, Sarangani.
Matud kang Police Senior Inspector Bobby Maghirang, natigayon ang insidente alas-4:00 kagahapon sa hapon sa Malalag, Cogon, kung asa tulo ang dead on the spot samtang usa ang gideklarang dead on arrival sa ospital sa Malungon, samtang may laing pang usa nga padayong giatiman sa nasampit nga tambalanan.
Nasayran nga usa sa nasampit nga motorsiklo ang paingon sa direksyon pa-Davao, samtang ang laing usa ang padulong sa Gensan nga direksyon.
Sa karon padayon pa ang kapulisan sa pagkuha sa ilhanan sa mga biktima, lakip ang pagsuta sa eksaktong nahitabo, ug hinungdan sa banggaanay.
