SARANGANI – Nakaalerto na ning higayuna ang Alabel municpal Health office tungod sa taas nga natalang kaso sa hand, foot and mouth disease kon HFMD.
Nasuta nga ning tuiga lamang mukabat sa 105 ang kasong antala sa maong sakit sa Alabel kon asa kasagaran nga naigo niini ang mg bata nga nagpagidaron ug 0-10 years old.
Hinuon gibutyag ni Dr. Honorato Fabio, municipal health officer nga dili makamatay ang maong sakit apan dili usab angayan nga mukumpyansa, makuha ang maong sakit pinaagi sa droplets, pagshare ug utensils lakip ang physical contacts.
Nasayran nga sintomas sa HFMD mao ang hilanat, mouth sores ug skin rashes.
Nagpahimangno ang health office ngadto sa mga ginikanan ug sa mga tulunghaan nga kinahanglang pahugason kanunay ug kamot ang mga bata ug mag facemask.
