Miuyon ang Afghanistan ug Pakistan sa usa ka ceasfire pagkahuman sa mga semana nga away nga nakapatay ug gatusan ang nasamdan.
Ang ceasfire nga gi-broker sa Qatar ug Turkey, mi-epekto dayon aron temporaryong mapahunong ang cross-border gunfire.
Taas ang tensyon sukad sa miaging bulan, diin ang duha ka nasud nagbasol sa usag usa sa mga pag-atake. Kusganon nga gipanghimakak sa gobyerno nga gipangulohan sa Taliban sa Afghanistan nga naghatag kini ug santuwaryo sa mga militante nga moatake sa mga utlanan nga lugar.
Ang tigpamaba sa Taliban nga si Zabihullah Mujahid miingon nga ang duha ka kilid nagkauyon nga dili mohimo sa bisan unsang makadaot nga aksyon batok sa usag usa ug dili mosuporta sa mga grupo nga nagpahigayon og mga pag-atake sa pikas nga bahin.
Siya midugang nga ang mga lakang pagahimoon uban sa tabang sa tigpataliwala sa mga nasud aron masiguro ang hapsay nga pagpatuman sa kasabutan ug ang pagsulbad sa mga panagbangi.
Gikumpirma usab sa Pakistan Defense Minister Khawaja Asif ang kasabutan sa platform sa social media X ug giingon nga ang cross-border terrorism gikan sa teritoryo sa Afghanistan mahunong dayon.
