Nagsang-at ug balaudnon si Senador “JV” Ejercito nga maghatag og P5,000 nga tabang pinansyal sa mga bag-ong gradwado sa kolehiyo nga nangita og trabaho.
Ang Senate Bill No. 1961 o ang “Fresh Graduates P5,000 One-Time Cash Grant Act of 2026,” gi-refer na sa Senate Committees on Higher, Technical and Vocational Education and Finance.
Si Ejercito miingon nga ang balaodnon nagtumong sa pag-institutionalize sa productivity cash grant para sa mga Pilipino nga mogradwar sa mga kolehiyo ug mga institusyon sa pagbansay.
Dugang pa nga ang mga fresh grduates kanunay nga nag-atubang og mga hagit sa pinansyal sa pagpangita og mga oportunidad sa trabaho, labi na sa gasto sa transportasyon, pag-imprinta sa mga resume ug mga dokumento, ug pag-andam sa angay nga sinina sa trabaho.
Base sa 2025 Labor Force Survey sa Department of Labor and Employment, adunay 2.6 porsyento nga pagtaas sa gidaghanon sa mga walay trabaho nga gradwado sa kolehiyo gikan sa Disyembre 2024 ngadto sa rate nga 35.6%. Gipasabot ni Ejercito nga bisan tuod ang Republic Act No. 11261 o ang First Time Jobseekers Assistance Act naghatag og mga waiver sa bayad para sa mga first-time job seekers, ang balaodnon nagtumong usab sa pagpalapad sa suporta sa gobyerno pinaagi sa direct cash grant.
