-- ADVERTISEMENT --

Gipangayo ang hugot nga pagbantay sa Department of Education sa pagpatuman sa Basic Education Voucher Assistance Act aron malikayan ang mga ghost students ug peke nga enrollment sa paggamit sa ₱4.34 bilyong pondo sa programa.

Ubos sa balaod, bayran sa gobyerno ang tuition sa mga estudyanteng mobalhin gikan sa publikong eskwelahan ngadto sa pribadong eskwelahan aron maminusan ang kahuot sa mga publikong eskwelahan.

Gilauman nga makaapil sa programa ang hangtod 292,000 ka estudyante gikan sa mga pamilyang adunay kita nga dili molapas sa ₱22,500 kada bulan.

Giingon usab nga kinahanglan hugot nga susihon ang enrollment ug attendance records aron malikayan ang pagpangilad ug masiguro nga ang tinuod nga mga estudyante ang makadawat sa tabang.