Ugmang adlawa na ang ika-17 nga anibersaryo sa Maguindanao Massacre, diin nagpabilin ang panawagan alang sa hustisya sa 58 ka mga biktima nga gipatay sa maong trahedya niadtong Nobyembre 23, 2009.
Nakighiusa sa pagpahinungod sa mga biktima ang ilang mga pamilya, mga lider sa simbahan, civil society organizations ug mga representante sa gobyerno.
Samtang, padayon usab ang panawagan alang sa hustisya ni Jan Chiene Maravilla, anak ni late Bombo Bart Maravilla, kanhi chief reporter sa Bombo Radyo Koronadal, nga usa sa 32 ka media workers nga gipatay sa maong masaker.
Sa pakighinabi niini sa Bombo Radyo Koronadal, gipaambit niIni nga dili lamang hustisya alang sa iyang amahan ang ilang gipangayo, kondili alang usab sa tanang biktima ug mga pamilyang naapektuhan sa maong makalilisang nga panghitabo











