-- ADVERTISEMENT --
Gihangyo sa mga piskal sa International Criminal Court (ICC) nga isalikway ang hangyo sa kampo ni kanhi Pangulong Rodrigo Duterte nga kuwestiyonon ang pipila ka ebidensiyang gamiton sa iyang paglilitis.
Matod sa prosekusyon, dili uyon sa mga lagda sa korte ang maong hangyo ug kinahanglan nga ipasaka ang pagsupak sa ebidensiya sa higayon nga pormal na kining isumiter.
Una nang gikuwestiyon sa kampo ni Duterte ang paggamit sa naunang natala nga testimonya sa usa ka kanhi pulis sa Davao City.
Samtang, gikatakdang magsugod sa Nobyembre 30 ang paglilitis kang Duterte kalabot sa kasong crimes against humanity, diin pangutan-on siya kon moangkon ba o molimod sa mga alegasyon batok kaniya.










