Gipahibalo ni United States President Donald Trump ang usa ka bag-o ug giingong makasaysayanong kasabutan sa patigayon tali sa Estados Unidos ug Pilipinas, human sa iyang pakigpulong kang Pangulong Ferdinand “Bongbong” Marcos Jr.
Sa iyang post sa social media niadtong Miyerkules, Nobyembre 18, miingon si Trump nga dako ang mahimong benepisyo sa maong kasabutan, ilabina sa mga mag-uuma ug sa sektor sa enerhiya sa Amerika.
Gihulagway niya kini isip usa ka “true landmark” ug miingon nga maayo ang ilang panag-istorya ni Marcos bahin sa patigayon, nasudnong seguridad ug uban pang mga isyu.
Gidayeg usab ni Trump si Marcos, nga iyang gihulagway isip usa ka gamhanan ug taas og integridad nga lider.
Apan, wala maghatag si Trump og dugang nga detalye bahin sa sulod sa bag-ong kasabutan sa patigayon sa iyang pahayag.











