-- ADVERTISEMENT --

Gidayeg ni US President Donald Trump si Pangulong Ferdinand Marcos Jr. tungod sa malampusong pagdumala sa Pilipinas sa ika-49 nga ASEAN Summit.

Atol sa banquet dinner nga gitambongan sa ubang mga lider sa kalibotan nga miapil sa ASEAN Summit, dihadiha nga gikomendahan ni Trump si Marcos tungod sa malampusong pagpahigayon sa maong kalihokan.

Dili usab matago ni Trump ang iyang pagdayeg sa anak sa pangulo nga si Ilocos Norte Representative Sandro Marcos, nga misugat kaniya sa Villamor Airbase.

Matud ni Trump, morag anaa na sa dugo sa pamilya Marcos ang pagkamaalamon ug kalampusan, tungod kay personal na usab niyang nailhan kaniadto ang amahan sa pangulo nga si kanhi Presidente Ferdinand Marcos Sr.

Gihangyo usab ni Trump si Marcos nga ipahibalo pinaagi kang US Secretary of State Marco Rubio kung aduna siyay panginahanglan o hangyo ngadto sa Estados Unidos.

-- ADVERTISEMENT --

Nagbinuang pa si Trump nga iyang tangtangon sa puwesto si Rubio kung dili niini hatagan og pagtagad ang iyang hangyo.

Samtang, gikatakdang magpahigayon og bilateral meeting sila Trump ug Marcos atol sa ilang pagtambong sa APEC Summit nga ipahigayon sa China.