-- ADVERTISEMENT --

Ilusad sa umaabot nga ika-52 nga Metro Manila Film Festival (MMFF) ang Most Anticipated Award, usa ka bag-ong pasidungog nga maghatag og higayon sa mga Pilipinong manan-aw og pelikula nga mobotar sa salida nga labing gipaabot nilang tan-awon.

Gipahibalo ang maong pasidungog human pormal nga giselyohan sa MMFF ang bag-ong pakigtambayayong niini sa Metropolitan Manila Development Authority (MMDA).

Ubos sa bag-ong kategorya, libre nga makabotar ang publiko, diin ang pelikulang makakuha sa kinadaghanang balidong boto maoy pasidunggan atol sa 52nd MMFF Awards Night sa Disyembre 27.

Mitambong sa pagpirma sa kasabutan si MMDA ug MMFF Chair Atty. Romando “Don” Artes, uban ang ubang stakeholders.

Kahinumduman nga misuporta usab ang maong kompanya sa ika-51 nga edisyon sa festival niadtong miaging tuig pinaagi sa paghatag og P250,000 alang sa Best Picture ug P100,000 alang sa Best Director, gawas pa sa pag-apil niini sa Parade of Stars ug premiere nights.

-- ADVERTISEMENT --

Gikatakdang magsugod sa mga sinehan ang 2026 MMFF sa Disyembre 25 nga magpakita sa walo ka opisyal nga entries, samtang ipahigayon usab ang ubang kalihokan sa festival sa mga co-host nga siyudad sa San Juan, Mandaluyong ug Bacolod City.