-- ADVERTISEMENT --
Dili angay ikabalaka sa mga tiggamit sa Facebook ang umaabot nga pagtangtang sa Meta sa mga dugang o secondary profile nga konektado sa usa ka Meta account tungod kay magpadala pa kini og pahibalo pinaagi sa email ngadto sa mga apektadong tiggamit.
Sumala ni Avel Manansala, usa ka SOX blogger, dili tanang account ang maapektuhan sa maong lakang tungod kay gilauman niyang ang mga kanunayng aktibo nga profile mao ang magpabilin.
Matod pa niya, posibleng ang mga account nga konektado sa usa ka Gmail address ug adunay daghang Facebook profile ang maapektuhan sa pagtangtang. Busa, gitambagan ang mga tiggamit nga bantayan ang ilang email aron mahibal-an kung apil ba ang ilang account sa maong pagbag-o.











