Napili ang Filipino girl group nga BINI isip Favorite Global Music Star sa 2026 Nickelodeon Kids’ Choice Awards, diin ilang nalabwan ang dagkong international artists sama nila Taylor Swift, Olivia Dean, Zara Larsson, Tyla, Tame Impala ug Karol G.
Ang walo ka miyembro sa grupo maoy nagrepresentar sa Asia alang sa maong kategorya.
Sa ilang Facebook post, nagpasalamat ang BINI sa Nickelodeon Kids’ Choice Awards, sa ilang mga fans nga gitawag og Blooms, ug sa tanang mibotar kanila.
Dugang pa sa maong dungog, gihatagan usab ang BINI og Most Influential Southeast Asian Artiste – Female award sa 2026 Jupiter Awards, usa ka German cinema ug television awards.
Gipahayag sa grupo nga dako nga kalampusan ang pagdawat sa maong pasidungog kauban ang ubang mga artista sa tibuok Asia.
