Sugdan na sa Philippine Sports Commission o PSC ang pag-ayo ug pagpauswag sa Rizal Memorial Stadium sa pagsulod sa tuig 2027.
Misunod kini human pormal nga gipirmahan ang Memorandum of Agreement o MOA tali sa PSC, Philippine Football Federation o PFF ug FIFA.
Mismo si FIFA President Gianni Infantino ang mipirma sa kasabutan kauban sila Executive Secretary Ralph Recto, PSC Chairman Patrick Gregorio ug PFF President John Gutierrez.
Nakapahayag sa MOA nga mohatag ang FIFA og $25 million o kapin sa P1.6 billion alang sa pagpalambo sa sports sa nasud.
Sa maong kantidad, $13 million o kapin sa P831 million ang igahin alang sa dakong pag-ayo sa Rizal Memorial Football Stadium, nga walay gastuhon ang gobyerno.
Matod ni Infantino, mahimong usa ka dakong bahandi sa Pilipinas ang Rizal Memorial Stadium tungod kay dinhi makadula ang nagkalainlaing atleta gikan sa ubang nasud.
