Gikumpirma ni Gilas Pilipinas head coach Tim Cone nga sayong makauban nila si Kai Sotto sa pagbansay alang sa fifth window sa FIBA World Cup 2027 Asian Qualifiers.
Gikumpirma ni Cone nga mouban si Sotto sa ilang pagbiyahe paingon sa Seremban, Malaysia karong Nobyembre 21.
Natapos na ang mga pagduhaduha kung makadula ba si Sotto tungod sa iyang injury human gikumpirma sa Samahang Basketbol ng Pilipinas nga apil siya sa ’12-man roster’ sa national team.
Dugang pa ni Cone, nakadula na si Sotto sa kataposang dula sa Japan League ug interesado usab kini nga makauban pag-usab ang Gilas Pilipinas.
Giisip si Sotto nga usa sa importanteng player nga nag-unang yawe sa kadaugan sa Gilas sa fourth window sa FIBA World Cup Asian Qualifiers kung asa gipildi nila ang Iran og Jordan.
Sa fifth window, maatbang ang Gilas Pilipinas sa Syria ug Iran.
