Nadakpan sa hiniusang operasyon sa kapulisan ang usa ka 62-anyos nga lalaki nga wanted person sa kaso sa statutory rape sa Purok Mainuswagon, Barangay Dajay, Surallah, South Cotabato, alas 10:30 kagabii, Nobyembre 11, 2026.
Giila ang dinakpan nga si Fernando Lopez Manaba, minyo, mag-uuma ug residente sa Landan, Polomolok, South Cotabato.
Gipangunahan ni PSMS Alfredo A. Gardose Jr., warrant PNCO, ang operasyon kauban ang mga personnel sa CIDG South Cotabato, PFU 12, RACU 12 ug SCPHPT.
Gipangita si Manaba tungod sa warrant of arrest nga may kalabotan sa Criminal Case Number 9253-26 alang sa kasong statutory rape ubos sa Article 266-A (1)(d), in relation to Article 266-B sa Revised Penal Code, nga giusab pinaagi sa Republic Act 8353.
Ang warrant of arrest gipagawas ni Judge Genevieve B. Tutica-Valles sa Regional Trial Court Branch 13, 12th Judicial Region sa Polomolok, South Cotabato niadtong Oktubre 19, 2026, diin walay girekomendar nga piyansa.
Gidala na sa kustodiya sa kapulisan ang dinakpan alang sa hustong disposisyon.
