Pormal nang gisumite sa Makati Regional Trial Court ang hangyo sa gobyerno sa United States nga i-extradite o ibalhin sa ilang kustodiya si Kingdom of Jesus Christ o KOJC founder Pastor Apollo Quiboloy aron atubangon ang mga kasong giatubang niini sa Amerika.
Sumala sa Department of Justice o DOJ, gisumite ang extradition request niadtong Nobyembre 9 ug nadestino sa Makati RTC Branch 145. Apil usab sa hangyo ang duha ka kaubang akusado ni Quiboloy nga sila Teresita Tolibas Dandan ug Helen Panilag.
Lakip sa mga kasong gustong ipadayon sa US batok kanila ang international human trafficking, sex trafficking, conspiracy ug bulk cash smuggling.
Giklaro sa DOJ nga ang extradition proceedings dili paglilitis aron pagtino kung sad-an ba o inosente ang mga gipasanginlan, kondili proseso aron matino kung mahimo ba silang itugyan ngadto sa nasud nga nangayo sa ilang kustodiya.
Sa pagkakaron, nagpabilin nga napriso si Quiboloy sa Pasig City Jail samtang nag-atubang usab siya og managlahing kaso sa qualified human trafficking ug child abuse dinhi sa Pilipinas.
