Gidepensahan sa House of Representatives ang pagbalhin sa pipila ka pondo sa 2027 national budget tungod sa hinay nga paggasto sa ubang ahensya.
Mokabat sa 15.33 bilyong pesos nga disaster funds ang wala magamit, base sa rekord niadtong Hunyo 30, 2026.
Matud ni Bataan 2nd District Representative Albert Garcia, ibalhin ang pipila ka pondo ngadto sa mga programa nga mas dali mapatuman aron dili magpundo ang kwarta sa gobyerno.
Samtang, matud ni Representative Brian Poe, gamiton ang maong pondo aron madugangan ang quick response funds sa DSWD ug Department of Agriculture alang sa mas paspas nga pagtabang sa mga biktima sa kalamidad.
Gihangyo usab niya ang mga senador ug civil society groups nga motabang sa pagsusi sa gisugyot nga pagbalhin sa pondo.
