Gikumpirma sa usa ka opisyal sa Davao City Assessor’s Office nga nakarehistro kang Atty. Manases Carpio, asawa ni Vice President Sara Duterte, ang usa ka propyedad sa Juna Subdivision, Matina Crossing, Talomo, Davao City nga gihisgotan sa nagpadayong impeachment trial.
Sa ika-40 nga adlaw sa pagtaral karong Lunes, Nobyembre 9, gipangutana ni defense lawyer Atty. Lindon Bacquel si Davao City Assessor Engr. Jaime Adalin kon kinsa ang nakarehistrong tag-iya sa maong propyedad base sa ilang mga rekord.
Gikumpirma ni Adalin nga si Carpio ang nakarehistrong tag-iya niini ug nakabutang usab sa dokumento nga siya minyo kang Duterte.
Gipangutana usab ni Bacquel ang opisyal bahin sa kantidad sa maong propyedad.
Matod ni Adalin, mikabat sa P82,046 ang assessed value niini, samtang miabot usab sa P1,864,680 ang market value.
Kahinumdoman nga kabahin sa impeachment trial ang pagsusi sa mga propyedad ug dokumento nga may kalabotan sa giingong dili mapaklaro nga bahandi sa Bise Presidente.
Ubos sa nahibiling Article II sa impeachment complaint, usa sa mga alegasyon nga kinahanglang tubagon sa kampo ni Duterte mao ang giingong dili pagkatakdo sa iyang gideklarang bahandi ug sa aktuwal nga mga propyedad.
