Hugot nga gipanghimakak sa Bureau of Jail Management and Penology kon BJMP ang alegasyon nga nakagawas o nakalusot sa Quezon City Jail-Male Dormitory si kanhi House Speaker Martin Romualdez.
Matod ni BJMP spokesperson JSupt. Jayrex Bustinera, base sa CCTV footage, anaa gihapon sulod sa pasilidad si Romualdez kagahapon, Nobyembre 4.
Giklaro usab ni Bustinera nga walay nahitabong power interruption nga mahimong makaapekto sa operasyon sa mga CCTV camera.
Gisusi pag-ayo sa BJMP ang mga CCTV footage ug nakumpirma nga naglihok kini og tarong ug walay natalang lihok nga wala marekord.
Tubag kini sa BJMP sa mga alegasyon nga nakagawas matod pa ang kongresista pinaagi sa likod nga hagdanan sa pasilidad ug gipalong ang mga CCTV aron dili masubay ang iyang paglihok.
Giklaro ni Bustinera nga walay agianan sa likod sa pasilidad tungod kay usa lamang ang ganghaan niini ug anaa sa atubangan.
Samtang, gimandoan na ni BJMP Chief JDIR Efren Nemeño ang mas lawom nga imbestigasyon kalabot sa alegasyon nga nakagawas matod pa si Romualdez sa pasilidad niadtong Nobyembre 3.
