Misaka sa bag-ong record high nga P19.66 trilyon ang kinatibuk-ang utang sa Pilipinas sa katapusan sa Septyembre 2026, base sa datos sa Bureau of the Treasury (BTr).
Mas taas kini og P53.47 bilyon o 0.27 porsyento kumpara sa P19.61 trilyon nga natala niadtong Agosto ning tuiga.
Sa kinatibuk-ang utang, mokabat sa P13.25 trilyon o 67.39 porsyento ang domestic debt, samtang P6.41 trilyon o 32.61 porsyento ang utang sa gawas sa nasud.
Gipasabot sa BTr nga ang pagsaka sa domestic debt nag-una tungod sa dugang nga pag-isyu sa government securities ug paghuyang sa bili sa piso batok sa US dollar.
Misaka usab og 0.70 porsyento ang external debt tungod sa paghuyang sa lokal nga salapi ug dugang nga mga pautang gikan sa langyaw nga mga tigpautang.
Samtang, mikunhod ngadto sa P306.63 bilyon ang national government guaranteed obligations human makabayad ang gobyerno sa pipila niini nga mga obligasyon sa gawas sa nasud.
