-- ADVERTISEMENT --
Nakaluwas ang 40 ka pasahero ug 18 ka tripulante human mitagilid ang pampasaherong barko nga MV Virgen de Peñafrancia II sa lungsod sa Real, Quezon, sayong kabuntagon ning Biyernes, Oktubre 30.
Gikumpirma sa Philippine Coast Guard o PCG nga luwas ug maayo ang kahimtang sa tanang sakay sa barko human sila daliang natabangan ug nabakwit sa mga rumespondeng personahe sa PCG-Real ug uban pang emergency responders.
Nahitabong mitagilid paingon sa tuo ang barko mga 10 metros gikan sa Real Port sa Barangay Ungos.
Padayon pang giimbestigahan sa mga otoridad ang hinungdan sa insidente, lakip na ang posibleng tulubagon sa kapitan ug tag-iya sa barko.
