Nag-apod-apod og pagkaon ug mga suplay sa tubig ang Department of Social Welfare and Development (DSWD) ngadto sa mga bakwit sa Albay kagahapon sa hapon, Oktubre 30, human sa pagbuto sa Bulkang Mayon sayo sa buntag.
Base sa DSWD, nag-andam ang ahensya og 417,886 ka family food packs, 14,137 ka kahon sa pagkaon nga andam na kan-on ug 28,366 ka pakete sa non-food items alang sa mga apektadong pamilya.
Gipatuman ang mandatory evacuation sa mga residente sa sulod sa unom ka kilometrong Permanent Danger Zone sa mga lungsod sa Camalig ug Malilipot, lakip ang siyudad sa Tabaco, human ipataas sa Alert Level 3 ang kahimtang sa bulkan.
Gimandoan usab sa DSWD ang mga Social Welfare and Development Teams ug ang Disaster Response Management Division nga magpahigayon og profiling sa mga pamilyang napugos sa pagbiya sa ilang mga pinuy-anan tungod sa kalihokan sa Bulkang Mayon.
