Pipila ka mga gamit sa singer nga si George Michael ipasubasta

Nag-away ang pamilya sa namatay nga singer nga si George Michael tungod sa planong pagbaligya sa iyang mga personal nga gamit sa usa ka auction.

Lakip niini ang gitara nga gigamit sa singer-songwriter sa iyang sikat nga kanta nga “Faith.”

Ang maong gitara gikan kang Siobhan Bailey, ang dugay nang personal assistant ni Michael.

Namatay si Siobhan niadtong 2014 ug gibaligya kini sa iyang bana nga si Ian Belcher.

Usa lamang kini sa 32 ka mga butang nga gikatakdang ibaligya pinaagi sa auction.

Namatay ang singer niadtong 2016. Nahimong miyembro siya sa grupong Wham, nga misikat pinaagi sa ilang mga kanta sama sa “Careless Whisper,” “Father Figure” ug daghan pang uban.