North Korea, naglusad pag-usab og mga ballistic missiles

Naglusad ang North Korea og pipila ka short-range ballistic missiles.

Sumala sa South Korea Defense Ministry, gilusad ang mga missile sa sidlakang bahin sa kadagatan duol sa Seoul.

Nahimo kini samtang nagplano ang South Korea nga makigpulong aron masulbad ang tensiyon tali sa South Korea ug North Korea.

Matod sa South Korea’s Joint Chiefs of Staff (JCS), gilnsad ang maong mga missile gikan sa Wonsan area sa North Korea.

Miabot sa 250 ka kilometro ang gilay-on sa pagbiyahe sa mga missile, diin nagpadayon ang South Korea ug Estados Unidos sa pag-assess sa maong paglunsad.

Gipahimangnoan usab sa Japanese Coast Guard ang mga barko sa Japan nga mag-amping.