Malipayon ug nahigugma karon ang aktres nga si Sarah Lahbati, kinsa miangkon nga anaa siya sa usa ka hugna sa iyang kinabuhi nga puno sa gugma ug kalinaw.
Sa usa ka interbyu atol sa premiere sa iyang bag-ong pelikula nga “VHS” sa Mandaluyong City kagahapon, Lunes, gikumpirma ni Lahbati nga malipayon siya ug nahigugma na usab.
Matod pa sa aktres, malinawon ang iyang kinabuhi karon ug maayo ang dagan sa mga butang alang kaniya.
Nahimo kining hisgutanan human gipaambit ni Lahbati ang pipila ka hulagway ug video sa iyang selebrasyon sa ika-33 niyang natawhan, diin makita ang usa ka misteryosong lalaki nga maoy nakapukaw sa mga espekulasyon bahin sa iyang “love life’.
Samtang, nagpahayag usab siya sa kalipay nga makabalik sa big screen pinaagi sa pelikulang “VHS,” ang una nga horror film nga giderik ni Darryl Yap.
