Nakarekord pag-usab og ’40-point performance’ ang 38-anyos nga NBA star nga si Stephen Curry sa pagdaog sa Golden State Warriors batok sa Minnesota Timberwolves.
Nakaiskor si Curry pinaagi sa 11 sa iyang 27 ka tira, diin unom niini ang mga ‘three-pointer’. Hingpit usab ang iyang ‘performance’ sa ‘free-throw line’ human niya masulod ang tanang 16 ka ‘free throw’ nga gihatag kaniya sa tibuok dula.
Miabot pa sa 24 points ang labaw sa Warriors sa tunga-tunga sa dula, apan nakabawi ang Minnesota sa ikatulong quarter.
Naningkamot ang Minnesota nga maapsan ang ilang nahibiling puntos sa kataposang quarter, apan gipahugot sa Warriors ang ilang depensa sa mga importanteng gutlo sa dula, ubos sa pagpanguna nila ni Curry ug sa rookie nga si Yaxel Lendeborg nga nakatampo og 26 points ug siyam ka rebounds.
Sa kapildihan sa Minnesota, nanguna sa opensa sa team ang kanhi forward sa Golden State nga si Jonathan Kuminga nga nakatampo og 20 points, lima ka assists ug duha ka steals.
Nalimitahan lamang sa usa ka puntos, upat ka rebounds ug usa ka steal ang sentro sa Timberwolves nga si Rudy Gobert, samtang walo ka puntos ang natampo sa guard nga si LaMelo Ball.
Sa kinatibuk-an, gikontrola sa Golden State ang depensa ug milabaw ang team sa mga ‘defensive statistics’ sama sa steals, blocks ug rebounds.
Ang lig-on nga depensa maoy nakatabang sa Warriors nga modaog bisan mas ubos ang ilang ‘overall shooting percentage’ nga mikabat lamang sa 43.8%, kon itandi sa hapit 45% sa Minnesota.
