GENSAN- Gipunting ni Police Lieutenant Colonel Patrich Elma, labaw sa Traffic Enforcement Unit-Gensan nga usa sa mga hinungdan sa mga aksidente sa dalan ang pagbiyahe sa mga traysikad sa national highways, diin gidili ang ilang pag-agi ubos sa nasudnong balaod.
Sumala ni Elma, mokabat na sa 98 ka insidente sa aksidente sa kadalanan nga nalambigit ang mga traysikad ang natala sa TEU gikan Enero hangtod karong Oktubre 2026, diin adunay mga insidente nga miresulta sa pagkamatay sa mga nalambigit.
Matod pa niya, usa sa mga hinungdan nga gitan-aw sa kapulisan mao ang pagbiyahe sa mga traysikad sa mga national highway bisan pa nga gidili kini ubos sa Republic Act 4136 o Land Transportation and Traffic Code.
Gipasabot ni Elma nga hugot nga gidili ang pagbiyahe sa mga traysikad sa national highway tungod sa risgo nga mahimong hinungdan sa mga aksidente, ilabina sa mga dalan nga daghang dagkong sakyanan ang nagabyahe.
