SARANGANI- Patay ang usa ka lalaki human nga napusilan sa usa ka caretaker sa beach resort sa Sitio As Na lang, Brgy. Tinoto, Maasim Sarangani Province.
Padayon pang giila sa kapulisan ang biktima samtang ang suspek nailhan sa pangalan nga si Mario Joselito Arias Palanas, 59 anyos, caretaker sa Pacman Beach Resort nga residente usab sa nahisgutang lugar.
Nitawag ang suspek sa Maasim Municipal Police Station og gireport ang insidente diin sumala kaniya nga misulod matod pa ang wala mailhing suspek sa balay nga iyang gipuy an hinungdan nga iyang gipugngan. Apan giatake hinuon siya sa maong lalaki hinungdan nga dali-dali kining mibunlot sa iyang .45 caliber pistol og gipusil ang lalaki isip depensa sa iyang kaugalingon.
Nakarekober ang kapulisan og armas sa crime scene nga gituohang gigamit sa pagpusil samtang ang suspek ang gilayong misurender sa nahisgutang police station.
